Papa Françesku: Në këto Krishtlindje kujtoni fëmijët që po vuajnë në Ukrainë

12:40 | 21 Dhjetor 2022
A. B.

Papa Françesku i ka bërë thirrje botës që të kujtojnë fëmijët në Ukrainë që po vuajnë nga i ftohti këto Krishtlindje.

“Le të mendojmë për fëmijët e shumtë në Ukrainë që po vuajnë, po vuajnë kaq shumë, për shkak të kësaj lufte. Shumica e atyre që kam parë këtu nuk mund të buzëqeshin,” tha Papa, duke iu referuar fëmijëve nga Ukraina që janë strehuar në Romë.

“Është shumë e rëndë dhe e vështirë kur një fëmijë humbet aftësinë për të qeshur. Këta fëmijë mbajnë brenda vetes tragjedinë e kësaj lufte, kaq çnjerëzore, kaq mizore. Le të mendojmë për popullin ukrainas këto Krishtlindje, që janë pa energji elektrike, pa ngrohje, pa gjërat thelbësore për mbijetesë”.

Rusia ka sulmuar infrastrukturën energjetike të Ukrainës që nga tetori. Javën e kaluar Papa bëri thirrje që të shpenzojmë më pak para për festimet dhe dhuratat e Krishtlindjeve këtë vit dhe t’i dërgojmë ato para ukrainasve për t’i ndihmuar gjatë këtij dimri të ftohtë.

Shpërndaje në rrjete sociale

Lajmet më të lexuara

Të ngjashme

Foto lajm